Свiслач

Беларусі пагражаюць

Ад імя тэрарыстычнай арганізацыі "Аль-Каіда" і руху "Талібан" ў арабамоўным інтэрнеце з'явіліся пагрозы на адрас Беларусі і Украіны. Пра гэта паведамляе афіцыйны сайт расійскага Інстытута рэлігіі і палітыкі (ІРП).

Са спасылкай на арабамоўны форум http://majahden.com/vb/showthread.php?t=17200 ІРП паведамляе, што баявікі руху "Талібан" гатовы нанесці ўдары па гэтых дзвюх дзяржавах.

Начальнік цэнтра інфармацыі і грамадскіх сувязей КДБ Беларусі Валерый Надтачаеў пакуль адмовіўся каментаваць гэтую інфармацыю. Ён заявіў, што нічога не ведае пра падобныя паведамленні. Атрымаць каментарый у Савеце бяспекі Беларусі таксама пакуль не ўдалося.

Раней шэраг інтэрнет-СМІ паведамлялі, што 31 снежня 2008 года ісламскія хакеры ўзламалі афіцыйны сайт пасольства Беларусі ў Ізраілі, на якім на працягу некалькіх гадзін былі размешчаны заклікі ад імя палесцінскай ісламісцкай арганізацыі ХАМАС.

 

Крыніца: БелаПан