Свiслач

Канфіскацыя машын у п'яных кіроўцаў мае шанцы стаць рэальнасцю

Услед за прадстаўнікамі Вярхоўнага Суда Беларусі за канфіскацыю аўтатранспартных сродкаў у п'яных кіроўцаў выказаўся і генеральны пракурор Беларусі.

Генеральны пракурор Беларусі Рыгор Васілевіч выступае за канфіскацыю аўтамабіляў у кіроўцаў, якія паўторна кіруюць транспартнымі сродкамі ў стане алкагольнага ап'янення. Аб гэтым ён заявіў у ходзе пашыранага пасяджэння Магілёўскага гарадскога выканаўчага камітэта, дзе было разгледжана пытанне рэалізацыі Дырэктывы Прэзідэнта № 1 "Аб мерах па ўмацаванню грамадскай бяспекі і дысцыпліны".

"Патрабуецца ўзмацненне санкцый у адносінах да кіроўцаў, якія кіруюць аўтатранспартнымі сродкамі ў стане алкагольнага ап'янення. Я за тое, каб канфіскаваць у кіроўцы транспартны сродак пры паўторным кіраванні ім у п'яным выглядзе", - сказаў Рыгор Васілевіч.

Такім чынам ініцыятыва, што была выказана кіраўніцтвам ДАІ напрыканцы вясны бягучага году ўжо знайшла падтрымку ў вярхоўным судзе й пракуратуры. Улічваючы значэнне гэтых ведамстваў, магчыма, нядоўга засталося чакаць да ўнсенняў адпаведных змен у айчынае заканадаўства.

 

Крыніца інфармацыі: БЕЛТА