Свiслач

5 мільярдаў на "зялёную" машыну.

Еўрапейскі саюз абвесціў пра выдзяленне мясцовым аўтавырабнікам фінансавай дапамогі ў пяць мільярдаў еўра для распрацоўкі экалагічна чыстага аўтамабіля.

"Інвестыцыі ў "зялёныя" аўто дапамогуць абараніць планету, а таксама дадуць магчымасць еўрапейскім аўтавырабнікам заняць першыя пазіцыі з гэтым імкліва развіваючымся сегменце", - заявіў прэзідэнт Еўрапейскай Камісіі  Жазэ Барросу (Jose Barroso), паведамляе Bloomberg.

Праграма мае фінансавацца з фондаў Еўрасаюза, а таксама за кошт займаў Еўрапейскага інвестыцыйнага банка. ЕІБ фактычна й прадаставіць большую частку сродкаў, якія выдзеленны краінамі-сябрамі ЕС. Таксама варта адзначыць, што гэтыя 5 мільярдаў з'яўляюцца складовай часткай агульнаеўрапейскай праграмы па аказанню дапамогі найважденйшым галінам эканомікі. У агуле памер праграмы "самадапамогі" складае каля 200 мільярдаў еўра.

Выдзеленыя грошы маюць дапамагчы аўтавырабнікам не толькі справіцца з наступствамі эканамічнай крызы, але й захаваць існыя праграмы па распрацоўцы экалагічна-чыстых аўтамабіляў, якія маглі б быць замарожаны па прычыне недахопу сродкаў.

 

Крыніца: Bloomberg.