Свiслач

Беларускія аўтааматары неўзабаве вернуцца да "дзірачак ў талонах"

Праект дакумента, у адпаведнасці з якім у Беларусі плануецца ўвесці бальную сістэму ўліку парушэнняў Правіл дарожнага руху, ужо гатовы, паведаміў карэспандэнту БЕЛТА намеснік начальніка ўпраўлення Дзяржаўтаінспекцыі МУС Беларусі Ігар Ваніцкі.

Абраная схема ўліку згодна якой кожнаму кіроўцу будзе налічана пэўная колькасць балаў, якія будуць змяншацца ў залежнасці ад парушэнняў ПДР. Пакуль гаворка йдзе пра базавы паказчык налічэння з 27 балаў. Пры налічэнні штрафных ачкоў ДАІ прапануе зыходзіць са ступені грамадскай небяспекі дапушчаных вадзіцелямі парушэнняў. Так, перавышэнне скорасці або пакіданне месца ДТЗ прапануецца ацэньваць у 9 балаў, парушэнне правіл абгону і манеўравання - у 7 балаў, праезд на чырвонае святло - 5 балаў, размову па тэлефоне ў час кіравання аўтамабілем і кіраванне аўтамабілем з непрышпіленымі рамянямі бяспекі - 2 балы. Балы будуць вяртацца вадзіцелям праз год пасля ўчынення парушэння.

Паводле словаў спадара Ваніцкага, праект дакуманта пра ўвядзенне ткой сістэмы ужо знаходзіцца на абмеркаванні ў Міністэрстве юстыцыі і ў Генеральнай пракуратуры Беларусі.

Ігар Ваніцкі таксама ўдакладніў, што бальную сістэму ўліку парушэнняў Правіл дарожнага руху неабходна будзе ўвесці ў дзеянне шляхам унясення зменаў у Кодэкс аб адміністрацыйных парушэннях. Таму пасля ўзгадненняў справа стане за прыняццём адпаведнага закона новаабранай Палатай прадстаўнікоў.