Свiслач

16-ці гадовая Таццяна Казыра заявіла пра нежаданне вяртацца ў Беларусь (+ відэарэпартаж)

Новыя акалічнасці прыняла справа вакол невяртання з аздараўлення ў ЗША 16-і гадовай грамадзянкі Беларусі Таццяны Казыры. Сёння стала вядома, што дзяўчынка заявіла пра нежаданне вяртацца ў Беларусь і афіцыйна звярнулася да амерыканскіх уладаў з просьбай працягнуць яе тэрмін побыту на тэрыторыі ЗША.

"Арганізацыя  Chernobyl Children’s Project атрымала ліст ад адваката службы па міграцыі Сан-Францыска пра тое, што дзяўчынка пажадала працягнуць свой гасцявы статус побыту ў ЗША США і хацела б застацца ў краіне да вынясення рашэння па яе хадайніцтву", - распавяла карэспандэнтам Santa Rosa Press Democrat Даяна Дечычыо, кіраўнік арганізацыі.

Такім чынам цяпер у Таццяны ёсць уласны адвакат. Ён прысутнічаў і на учоршняй сустрэчы дзяўчынкі з беларускім консулам у ЗША. Цікава тое, што сустрэча адбывалая ў будынку паліцэйскага ўчастка. Верагодна, амерыканцы не маюць даверу да нашых дыпламатаў і асцерагаюцца "сілавога" вырашэння канфлікта.

У той жа час дасюль няма рэакцыі з боку беларускіх уладаў на новыя акалічнасці гэтае справы. Нашыя афіцыйныя асобы па ранейшаму насутоваюць на найхутчэйшым вяртанні дзяўчынкі на радзіму й заяўляюць, што яна гвалтам утрымліваецца ў амерыканскай сям'і.

Відэрэпартаж НТВ пра падзеі даступны па гэтай спасылцы.