Свiслач

Беларусь працягвае прадаваць расійскую зброю краінам-ізгоям

5 жніўня ў Рэгістры ААН па звычайных узбраеннях з'явіліся звесткі пра выкананыя кантракты Рэспублікі Беларусь на сусветным рынку ўзбраенняў за 2007 год. Як і ў папярэднія гады, нашая Радзіма схільная прадаваць зброю краінам, якія знаходзяцца пад дзеяннем міжнародных санкцый. Пры гэтым большасць прададзенай зброі не вырабляецца на тэрыторыі Беларусі.

Асношнымі пакупнікамі зброі летась былі: Судан (знаходзіцца пад санкцыяй ААН па абмежаванню продажу зброі, у краіне грамадзянская вайна), Арменія (утрымлівае захоплены ў Азербайджана Нагорны Карабах), Эрытрэя (Гуманітарная катастрофа, Грамадзянская вайна. Санкцыя ААН па забароне продажу некаторых відыў узбраення).

Так, у Судан было пастаўлена два бронетранспарцёры БТР-70, мадэрнізаваныя да ўзроўню «Кобра К2К» і «Кобра К2». У Арменію прададзены 10 122-мілімэтровых гаўбіц Д-30, у Эрытрэю — дзевяць рэактыўных сыстэм залпавага агню «Ураган». Уся зброя — не вырабляецца на тэрыторыі Беларусі. Краніай вытворцай указана Расія альбо СССР. Сумы кантрактаў не называюцца. Сумаў выручкі за гандаль зброяй чамусці няма і ў справаздачах Саўміна аб выкананні бюджэта за 2007 год.

Самае пікантнае у здзелках за 2007 год тое, што у 2006 годзе Беларусь паставіла ў Азербайджан 41 танк Т-72. Гэта была адзіная беларуская здзелка, якая трапіла ў Рэгістар ААН па звычайных узбраеннях. Атрымліваецца, у 2006 годзе прадалі Азербайджану танкі (магчыма для аперацый у Карабаху) а праз год прадалі другому баку канфлікту гаўбіцы для знішчэння гэтых самых танкаў.

Сярод ранейшых "праблемных" зделак можна назваць:

• Проджаж у 2004 годзе у Джыбуці — двух ударных шрубалётаў (верталётаў) Мі-24;
• 2003 - 2004 гады  — продаж Судану (санкцыі ААН, гл. вышэй) у суме 60 браніраванай разведвальна-дазорнай машыны БРДМ-2, сямі бронетранспарцёраў БТР-80 (вырабляецца ў РФ з 2001 года. На ўзбраенні з 2001 года), 9 БМП-70, 32 адзінкі розных артылерыйскіх сістэм, 10 бронетранспарцёраў БТР-70 і адну баявую машыну пяхоты БМП-1.
• 2003-2004 год пастаўка ў Кот-д'Івуар (санкцыі ААН па абмежаванню продажу зброі) двух штурмавікоў Су-25, 20 баявых браніраваных машын рознага тыпу, 16 адзінак розных артылерыйскіх сістэм.
• 2002 год  —  продаж знішчальнікаў МІГ-29 у Алжыр, гандаль з Суданам, Кот-д'Івуарам (120мм. мінамёты, ударныя шрубалёты)
• 2002 год -- танкі Т-72 паехалі ў Іран

У ранейшыя гады нашая краіна правяла здзелкі па продажы зброі з наступнымі дзяржавамі (пералічваем толькі тыя, якія знаходзіліся ці знаходзяцца пад дзеяннем санкцый): Перу, Сьера-Леонэ, Эфіопія, Конга, Заір, Уганда

І гэта толькі афіцыйныя дадзеныя ААН. Паводле іншых дадзеных, якія былі апублікаваныя ў міджнароднай прэсе, Беларусі пастаўляла:

• Самалёты Судану у 2007-2008 гг. (крыніца - Sudan Tribune ).
• Зброя калумбійскім паўстанцам у 2007 г. (крыніца El Pais)
• 600 аўтаматаў і гранатамёты Ірландзкай Рэспубліканскай Арміі у 1998 годзе (праз Лівію) (тэрарэстычная арганізацыя, якая дамагаецца аддзялення Паўночнай Ірландыі ад Велікабрытанііі). (сайт ІРА, працаваў да заключэння перамір'я ў 2002 годзе).

Для аб'ектыўнасці трэба адзначыць, што беларускі ўрад афіцыйна заяўляў што не мае дачынення да гэтых трох здзелак. А таксама апошнімі днямі ў міністэрстве замежных справаў Беларусі паведамілі, што пастаўкі вайсковай тэхнікі ў Судан рабіліся з захаваньнем санкцый ААН.

Частка міжнародных экспертаў адзначае, што аналізуючы тэмпы продажу вайсковай тэхнікі нашай краінай, да 2007 мы б ужо прадалі практычна увесь арсенал Узброеных сіл РБ. Адпаведна гэта падштурхоўвае да думкі што нашая краіна проста перапрадае Расійскую зброю тым краінам, з якімі РФ паводле сваіх інтарэсаў не можа працаваць наўпрост. Аднак гэта думка замежных эксператаў. Іх беларускія калегі такіх пытанняў не каментуюць.