Свiслач

Рэклямай брэнда "Беларусь" заняліся... арабы

Авіякампанія з Аб'яднаных арабскіх эміратаў Эціхад распачала ў сваёй краіне рэкламу Беларусі. Арабскіх турыстаў запрашаюць наведаць адну з самых захапляльных краін Усходняй Еўропы. У прыватнасці запрашаюць у Мінск, які паводле словаў рэкламнага роліка "напоўнены гісторыяй, архітэктурай і культурай".

Уся спрва ў тым, што з 5 жніўня распачынаюцца рэгулярныя авіярэйсы па маршруту Абу-Дабі-Мінск. З гэтай нагоды кампанія перавозчык і праводзіць комплексную рэкламу брэнда "Беларусь" і сваіх авіярэйсаў.

Патэнцыйных гасцей запрашаюць наведаць музэі, галерэі, оперу а таксама паслухаць "праслаўлены аркестр беларускай філармоніі", які, на думку авіатараў "дае некалькі канцэртаў на дзень". Жыць гасцям прапануецца ў новаадбудаваным (з удезлам арабскага капітала) гатэлі Вікторыя (пр. Пераможцаў 29).

Трэба зазаначыць, што рэклама нашай краіны, хоць і "шчодра перасыпана" кур'ёзамі й недакладнасцямі, яле досыць заўважная ў Эміратах. Гэта выгодна адрознівае яе ад рэкламнай кампаніі якую "вядзе" беларускі МЗС. Асноўным прадуктам апошняй з'яўляюцца руска і англамоўныя буклеты пра Беларусь, якія можна атрымаць у беларускіх дыпламатычных прадстаўніцтвах.