Свiслач

Малако й мяса ізноў падаражэе

У Беларусі, адпаведна пастанове 1061 Саўміна, на 10% паднятыя закупачныя кошты на жывёлагадоўчую прадукцыю.

Як зазаначыла начальнік галоўнага ўпраўлення Міністэрства сельскай гаспадаркі Анна Андрыевіч, павышэньне закупачных коштаў выклікана неабходнасцю кампенсацыі выдаткаў на яе выраб і кампенсацыю роста коштаў на матарыяльныя рэсурсы (кармы, угнаенне, паліва). Другім аругмантам на карысць падвышэння стала неабходнасць выроўнівання коштаў з суседнімі краінамі. "мы падрыхтавалі эканамічнае абгрунтаванне і знайшлі паразуменне з боку ўрада" - кажа спадарыня Анна.

Аднак нават на афіцыйным сайце саўміна прызнаецца, што падвышэнне закупачных коштаў пацягне за сабою рост адпускных цэнаў і, адпаведна новыя цэннікі ў крамах.

Нагадаем, што цягам 2008 года - гэта ўжо другое такое падвышэнне. Першае адбылося ў лютым месяцы.

Такім чынам, сумарны рост закупачных коштаў з пачатку года складае:

• Малако - 20%
• Буйны рагаты скот - 15%
• Свініна - 14%

Гэтыя лічбы значна перавышаюць максімальны ўзровень інфляцыі, закладзены ў бюджэце. Каб выйсці з сітуацыі, урад плануе ускласці дадатковы цяжар на пераапрацоўваючыя прадпрымествы. Папросту кажучы ім будзе прапанавана зменьбшыць сваю рэнтабельнасць, якая і зара знаходзіцца на "крытычнай" адзнаке блізкай да 5-7%. Спецыялісты ж у галіне эканомікі адзначаюць, што для аднаўлення асноўных фондаў і для стабільнай работы прадпрыетмства без рызыкі банкруцтва рэнтабельнасць мусіць перавышаць паказчык 10%. Такім чынам ратуючы сельскую гаспадарку Саўмін ставіць на мяжу банкруцтва пераапрацоўчую галіну.

Аднак у любым разе увосень можна чакаць істотнага падвышэння коштаў у крамах. Ці будзе адпаведны рост заработных плат - невядома.