Свiслач

Беларусы "заваявалі" Маскву. Півам

У сталіцы Расіі з 14 па 22 чэрвеня адбываўся юбілейны дзесяты "Вялікі маскоўскі фэст піва-2008". У фэсце брала ўдзел беларускае ААТ "Крыніца". На фэсце было прадстаўлена 130 гатункаў піва. Наведалі мерапрыемства болей за 100 тысячаў чалавек.

Нягледзячы на шпаркія тэмпы развіцця броварнай (піваваранай) вытворчасці ў РФ, заканадаўцамі мод і пераможцамі сталі бровары з трох фірм "Еўра-партнэр" (Чэхія-Нямеччына), Оболонь (Украіна) і Крыніца (Беларусь). Гэтыя 3 брэнда заваявалі болей за 7 з 12 даступных для "замежных удзельнікаў" узнагародаў прафесійнага журы і 10 з 15 прызоў "народных сімпатый".

Вышэйшай узнагародай "Плацінавы Асірыс" у намінацыі "светлае 11-14%" адзначаны 2 гатункі піўзавода "Крыніца" -- гэта піва "Крыніца экспартнае" і "Александрыя".

3-я месца ў конкурсе "народная дэгустацыя" сярод светлых гатункаў заняла "Крыніца класічнае люкс". Метад падліку ў гэтым конкурсе заключаўся ў тым, што наведвальнікі адзначалі ўпадабанае піва на сваіх уваходных квітках і кідалі ў адпаведныя скрыні для галасавання.

Можна толькі парадавацца за нашых бровараў якія пасля амаль 10 гадовага перапынку ізноў пачалі дэманстраваць добрую якасць свайго піва на міжнародных конкурсах.