Свiслач

Чарговы пажар на Нясвіскіх помніках архітэктуры. Гэтым разам Ратуша.

Cёння ў перашай полове дня ў Нясвіжы гарэла Ратуша. Пажар тушылі каля гадзіны. На месца здарэння прыехала ўсё кіраўніцтва горада. Змаганне з вагнём скончылася толькі блізу 14-30. Пяць экіпажаў пажарных машын бралі ўдзел у тушэнні. пажарныя экіпажы прыбылі на месца здарэння не толькі з Нясвіжу, але і з Лані (мястэчка ў 20 кіламетрах).

Да ратушы непасрэдна прымыкае комплекс будынкаў, кнігарня, архіў... Побач знаходзіцца й папулярная сярод гасцей горада рэстарацыя. Усталяваны работнікамі "харчапіту" мангал і стаў, паводле некаторых звестак прычынай пажару.

Мангал стаяў у дворыку паміж рэстарацыяй і ратушай на ім як прынята,  гатаваліся шашлыкі. Нібыта, іскры ад мангалу патрапілі пад дах і з гэтага пачаўся пажар. Над горадам цягам усёй раніцы стаялі велічэзныя клубы дыма.
Але дзякуючы аператыўнай працы пажарных, прынамсі вонкава ратуша не вельмі моцна пацярпела. Больш дакладнай інфармацыі няма, бо журнаілстаў, якія прыбылі на месца здарэння да ратушы не дапускалі.

Нагадаем, што папярэдняй ахвярай полымя ў Нясвіжы стаў Палац Радзівілаў. Ягоная рэстаўрацыя ня можа скончыцца і дасюль.

Як пажартаваў адзін з мясцовых жыхароў, які назіраў за тушэннем полымя: "А можа гэта такі спосабам адпраўкі будынкаў на рэстаўрацыю? Спалім ушчэнт і адбудуем па-свойму".