Свiслач

На Украіне выйдуць манеты з выявай Сцяпана Бандэры

Абласная адміністрацыя Тэрнопаля (Украіна) выступіла з ініцыятывай стварэння манеты з выявай кіраўніка ОУН Сцяпана Бандэры. Пра гэта паведамляе украінскае інфармацыйнае агенцтва УНІАН.

Пра гэтае паведаміў сёння на прэс-канфэрэнцыі старшыня Абласной дзяржаўнай адміністрацыі Юры Чыжмар. Ён распавёў што найверагодней за ўсё на манеце будзе адбіты помнік, які ўсталююць у Тэрнопалі з нагоды стагоддзя з дня нараджэння Сцяпана Бандэры.

"Папярэднія перамовы з Нацбанкам сведчаць, што яны гатовыя прыцягнуць сродкі для вырабу такой манеты"- зазначыў ён - "я перакананы, што яна зьявіцца".

У той жа час пакуль што намінал манеты невядомы.

Трэ адзначыць, што ушанаванне памяці Бандэры адбываецца ня толькі ў Тэрнопльшчыне. Так ў Івана-Франкоўскай вобласці Украіны ініцыявалі сбор сродкаў на пабудову ў гэтым абласным цэнтры помнік правадыру ОУН.

ДАВЕДКА:

Сцяпан Андрэевіч Бандэра нарадзіўся 1 студзеня 1909 года. Яшчэ ў маладыя гады пачаў супрацоўнічаць з украінскімі падпольнымі арганізацыямі. У 1929 годзе афіцыйна ўсутпае ў Арганізацыю Украінскіх Нацыяналістаў (ОУН). З 1931 - сябра Краевой Экзекутівы ОУН на Заходне Украінскіх Землях (ЗУЗ), а 3 1932 - намеснік "Краевого Провідника".

З 1940 займае кіруючыя пасады ў ОУН.

З пачаткам нямецка-савецкай вайны украінскія нацыяналісты на чале з Бандэрам увайшлі ў Львоў разам з нямецкімі войскамі. Аднак ужо 30 чэрвеня  Бандера і шэраг ягоных паплечнікаў былі арыштаваныя нямецкімі ўладамі за пробу адвяшчэння незалежнасці Украіны. Частка арыштаваных была расстраляна немцамі ў вядомым Баб'ім Яру (Кіеў). З 1942 года ОУН пераходзіць на цалкам падпольны рэжым работы. Ставараецца Украінская Паўстанцкая армія (УПА) - баявы адззел ОУН. Партызанскія атрады УПА вядуць баявыя дзеянні як з немцамі так і з савецкімі партызанамі.

Пасля аднаўлення савецкай улады на Украіне й далучэння да СССР заходне-украінскіх земляў, якія да 1941 г. уваходзілі ў склад Аўстрыі, Венгрыі і Румыніі, ОУН распачынае партызанскую вайну супраць Савецкай улады. У той час Бандэра праджывае ў Заходняй Нямеччыне, адкуль працягвае кіраваць дзейнасцю УПА, атрымліваючы дапамогу ад брытанскіх спецслужбаў. Забіты ў Мюнхене у 1959 годзе, як устанавіў нямецкі Федэральны Канстытуцыйны Суд у Карлсруэ - па заданню КДБ, Багданам Сташынскім.