Свiслач

Прадукты у крамах падаражэюць. На колькі ня ведае нават Саўмін.

Закупачныя цэны на раслінныя прадукты новага ўраджаю будуць падвышаны на 25-200%. Такое рашэнне прыняў Савет Міністраў Рэспублікі Беларусь.

У прыватнасці ўсе віды збожжа, распавае семя падаражэюць на 35%, Грэчка й проса на 50%. Рэкардсменам жа стане звычайны гарох, які падаражэе удвая. Падставай для такога падвышэння служыць пастанова Савета Міністраў № 613.

У Мінсельгахпродзе у дадатак да гэтага заявілі пра неабходнасць карэкцыі коштаў на жывёлагадоўчую прадукцыю, бо з ростам расліннай сыравіны расце й кошт камбікармоў. Фактычна рост коштаў на раслінныя прадукты наўпрост уплывае на падаражанне малака, мяса, птушкі. Таксама агульнавядома, што рост цэн на збожжа прыводзіць да падаражання хлебабулачных вырабаў.

Любы чалавек, які хоць кольвек знаёмы з эканомікай разумее, што пры росце закупачных цэн на сыравіну вырабнік мусіць падымаць у той жа прапорцыі і прадажныя кошты на сваю прадукцыю. Іначай ён проста рызыкуе збанкрутаваць. Аднак у навасным радку за той жа дзень на сайце Саўміна намеснік прэм'ер-міністра Андрэй Кабякоў заявіў, што "у Беларусі не будзе дапушчаны неабгрунтаваны рост цэнаў" і што "урад разам з Нацбанкам прадпрымае комплекс мераў каб утрымаць інфляцыю у межах прагнозных 8-9%".

Атрымліваецца парадокс: з аднаго боку падвышаем кошты сыравіны ад 25 да 200% а кошты адпускной прадукцыі толькі на 8-9%. Тлумачэнняў такому перакосу можа быць толькі тры:

1. 1. Урад вырашыў свядома абанкроціць вырабнікоў хлеба, мяса. малака і птушкі, прадаючы ім кармы і збожжа ўтрыдорага і забараняючы падвышаць цэны;
2. 2.  Нас чакае рост цэн на "базавы прадуктовы кошык" прынамсі на 30% да канца года. А гэта непазбежна ўдарыць па кожнаму жыхару Беларусі.
3. 3. Хтосьці сказаў няпраўду: альбо віцэ-прэм'ер альбо увесь Саўмін.

Час расставіць усё на свае месцы. Чакаць засталося да восені.