Свiслач

Рамонт цэнтральнай плошчы ў Свіслачы: што будзе й за чые грошы?

Больш як тыдзень цягнецца рамонт цэнтральнай плошчы ў Свіслачы. У адрозненні ад мінулых гадоў, аб'ёмы паражаюць. Работнікі кажуць пра поўную рэканструкцыю. І планы сапраўды досыць вялікія.

Як ўдалося высветліць нашым карэспандэнтам асфальт на плошчы будзе заменены на плітку, маюць быць рэканструяваныя пешаходныя дарожкі, фасады дамоў. Натуральна, будзе перароблены і з'езд на плошчу, які колькі ўжо год выклікаў у кіроўцаў аўто малацэнзурныя водгукі.

На сёння па ўсёй тэрыторыі йдзе дэмантаж сторога пакрыцця й падрахтоўка да работ па ўкладанню пліткі.

Пачалі рабіць й будынак банку з былой "рыбна-малочнай" крамай. Прынамсі мае быць абноўлены фасад і абсталяваныя новыя сходы.

Улічваючы пару года, узнікае натуральнае пытаньне: чаму цяпер і за чые грошы?

У якасці адказу, магчыма, можа паслужыць той факт, што у сярэдзіне кастрычніка Камітэт дзяржаўнага кантролю праводзіў комплексную праверку стану эканамічна-сацыяльнага развіцця пасёлка. Правяралі як асобныя арганізацыі так і стан інфраструктуры. У выніку праверкі сярод іншага, было ўказана на "недастатковыя тэмпы" удасканалення менавіта інфраструктуры пасёлка. У выніку адразу па ад'ездзе правяраючых, пачаліся работы.

Што да грошай, то адной з крыніцаў сталі сродкі, выручаныя з чарговага аўкцыёна па продажы нерухомасці. Часткова у фінансаванні маюць паўдзельнічаць раённыя ўлады. Апошняе, канешне, пры ўмове, натуральна, што Пухавіцкі РВК як зазвычай не "забудзе" пра існаванне патрэбы фінансавання нейкіх работ па-за Мар'інай Горкай.

Трэцім бокам, які будзе фінансаваць работы, нашыя крыніцы назвалі прадпрымальнікаў Свіслачы. Адак дадзеная інфармацыя яшчэ патрабуе праверкі. І ў разе падцвержання мы пастараемся паведаміць чытачам выніковыя сумы фінансавання й % паступлення сродкаў ад усіх бакоў, якія фінансава ўдзельнічаюць у рэканструкцыі плошчы.

 

Здымкі: Д.Б.