Свiслач

Укладайце грошы ў гаражы. 100% гадавых

Сёння у Мінску адбываецца аўкцыён па продажу гаража ў пас. Свіслач. Арганізатар - мінаблмаёмасць сумесна са Свіслацкім пасялковым выканкамам. Па стартавым кошце можна сцвярджаць што нават паводле дзяржаўнай ацэнкі кошты гаражоў у нашым пасёлку за год падскачылі ўдвая.

Гараж, які выстаўлены на таргі знаходзіцца ў ГСК "Свіслач". Ён быў "звернуты ў даход дзяржавы" сёлета ўвесну. Ягоны стан - цалкам прыдатны да выкарыстання. Але ціква не гэтае - цікавы стартавы кошт, які складае 4 688 000 рублёў. У далярах гэта каля 300.

А яшчэ год таму гаражы ў нашым пасёлку прадаваліся у залежнасці ад стану й зручнасці размяшчэння ад 700 да 1200 даляраў. Такім чынам рост кошту на "дом для аўто" за адзін каляндарны год склаў 100%. Да параўнання - кошты кватэр у Дружным і Свіслачы вараслі за гэты перыяд усяго толькі на 65-80% (у залежнасці ад метражу і стану).

А ўлічваючы, што праблема з паркоўкамі ў нас найвастрэйшая, то чакаць падзення "абвала гаражнага рынку" не выпадае. З іншага боку гэта й дадатковы пункт для разгляда тым жа дэпутатам альбо групе якая займаецца распрацоўкай канцэпцыі развіцця. Пабудова гаражнага кааператыва альбо паркінга можа істотна ўзбагаціць мясцовы бюджэт.

А для звычайных жыхароў можна сфармуляваць прыкладна такі лёзунг "Укладайце грошы ў гаражы 100% гадавых гарантавана".