Свiслач

Суд над Дружненскімі настаўніцамі

Учора у Пухавіцкім Судзе пачаўся разгляд адміністрацыйнай справы настаўніц Дружненскай СШ Анастасіі Паповай і Таццяны Дыльковай. Іх абвінавачваюць у арагнізацыі ды ўдзеле мітынга і шэсця супраць пабудовы хімічнага завода ЗАТ "Август-бел" 25 сакавіка 2008 г.

Нагадаем, што неўзабаве пасля акцый настаўніц вымусілі напісаць заявы аб звальненні па ўласным жаданні, а на прайшоўшай у сярэдзіне траўня сустрэчы ў Пухавічах прадстаўніца раённага аддзела адукацыі наўпрост заявіла "сумняюся, што гэтыя настаўніцы здолеюць знайсці работу ў нашым раёне".

Абедзьве настаўніцы на судовым паседжанні заявілі пра сваю поўную невінаватасць. Паводле іх меркавання яны мелі права ў непрацоўны час выказваць сваю грамадзянскую пазіцыю.

Нягледзячы на прыведзеныя довады Суд палічыў Таццяну Дылькову вінаватай ва ўдзеле ў несанкцыянаваным мітынгу, ў парушэнні грамадзкага парадку. Прысуд - штраф у памеры  350 тысяч беларускіх рублёў (10 базавых вілічыняў).

Анастасія Папова выступіла з хадайніцтвам аб прадастаўленні ёй адваката. Гэтае хадайніцтва было задаволена. Працяг судовага працэса прызначаны на 11 чэрвеня.