Свiслач

Міжнароднае супрацоўніцтва для лакальнага развіцця.

9 красавіка ў Свіслачы з візітам была дэлегацыя Асацыяцыі Мест (гарадоў) Украіны пад кіраўніцтвам Міхайлы Гуменціка.
Адбылася рабочая сустрэча украінскай дэлегацыі з кіраўніцтвам, дэпутатамі і актыўнымі жыхарамі Свіслачы, Дукоры, Ананічаў (саветы, прадстаўнікі якіх днямі абвесцілі аб стварэнні "Мікрарэгіёна Свіслач"). Абмяркоўваліся пытанні супрацоўніцтва і навязвання партнэрскіх сувязяў паміж гарадамі Украіны і нашымі тэрыторыямі. Былі закранутыя пытані сумеснай працы ў галіне распрацоўкі і апрабацыі энэргазберагаючых тэхналогій, альтэрнатыўнай энэргетыкі і "зялёнага турызму".
Была дасягнута папярэдняя дамоўленасць аб сумеснай працы ў гэтых накірунках.

Асацыяцыя Мест Украіны - аб'яднанне мясцовых органаў улады гарадоў суседняй краіны, якое працуе дзеля дапамогі населеным пунктам ў падрыхтоўцы і рэалізацыі лакальных канцэпцый развіцця. Да візіту ў Свіслач украінскія госці наведалі Гомель, дзе сустракаліся з мэрам горада і дэпутатамі гарсавета, наступны візіт у г. Брэст.