Свiслач

Візіт намеснікаў замест дыялогу

Сёння з 16 да 1930 адбывалася інфармацыйная сутсрэча прысвечаная будаўніцтву ЗАТ “Август-Бел”. Дэсант чыноўнікаў меў за мэту паказаць неразумным жыхарам Свіслачы і Дружнага выгоды ад хімзавода і ягоную бяспеку.

Сама гісторыя з прызначэннем даты і правядзеннем мерапрымества выклікала цэлы шэраг пытанняў. Паводле рашэння Саўміна і папярэдняй інфармацыі меліся адбыцца грамадскія слуханні. Аднак, па словах вядучага (намесніка старшыні Мінскага аблвыканкама) дата і час былі ўзгоднены учора на нарадзе ў губернатара, якая пачалася ў 1500 і скочылась у 1900. такім чынам на інфармаванне жыхароў заставалася меней за суткі (!!!). паводле нашай інфармацыі, на гэтай нарадзе на поўным сур’ёзе абмярковўвалася пытанне фармату удзельнікаў. Абралі самую далёкую ад Свіслачы і Дружнага залю – актавую залю ЦЭЦ-5. Першую інфармацыю ініцыятыўнагя група пачала распаўсюджваць у выглядзе ўлётак 2 красавіка пасля 21 гадзіны. Першыя аб’явы ад імя пассавета з’явіліся сёння каля 12-й (за 4 гадзіны да мерапрыемства). Людзі рыхтаваліся ісці пешшу блізу 3-х кіламетраў.
Аднак трэ аддаць належнае кіроўцам ЦЭЦаўскіх “рабочых” аўтобусаў і кіраўніцтву станцыі – значная частка ўсё ж даехала на станцыйных Ікарусах.
Яшчэ болей людзей дабралося сваім транспартам – стаянка ля ЦЭЦ была перапоўненая.

Такая колькасць удзельнікаў з’явілася нечаканасцю для арганізатараў. Спрабавалі нават перакрыць допуск у будынак. Аднак калі на ганку сабралося блізу сотні рашуча настроеных жыхароў, у кагосці хапіла розуму даць загад адчыніць дзверы.

У выніку ў перапоўненай залі сабралося не меней за 900 чалавек.

Высокая дэлегацыя, якая складалася выключна з намеснікаў кіраўнікоў міністэрстваў, НАН, выканкамаў і якую трапна назвалі “группа замов” займала свае месцы. Выгляд і манера трымацца гэтых людзей не пакідалі сумневу, што яны рашуча настроены “патлумачыць неразумным” перавагі хімічнай вытворчасці побач з домам. Людзям была пардстаўлена інфармацыя, якая мела няшмат агульнага з раней сказаным на сустрэчах. Аказваецца ЗАТ “Август-Бел” будзе вырабляць усяго толькі 6 відаў прэпаратаў, а аўдые і відэазапісы выступаў кіраўнікоў гэтае фірмы дзе яны кажуць пра 42 віда гэта “плод вашего воображения”. Другое адкрыццё – на заводзе не збіраюцца займацца ўтылізацыяй пестыцыдаў. А паведамленні інфармагенцтваў – гэта “спроба кінуць цень да добрае імя фірмы”.
Аднак ужо праз гадзіну добры настрой пачаў пакідаць “высокую дэлегацыю” – занадта непрыменыя пытанні. Гледачы пачалі падлоўліваць гасцей на прамых супярэчаннях у прамовах. Так, намеснік міністра сельскай гаспадаркі кажа пра недахоп пістыцыдаў і адсутнасць запасаў, а другая удзельніца заяўляе пра 6 тысяч тон прэпаратаў з прайшоўшым тэрмінам прыдатнасці.
Перлы сустрэчы: Клас шкоднасці адыходаў вытворчасці ЗАТ “Август-бел” будуць вызначаць ПАСЛЯ з’яўлення гэтых самых адыходаў. Цвёрдыя адыходы ад спалення (тэрмічнага знішчэння) “адыходаў і брака” будуць захаваныя на тэрыторыі завода. Фактычна гаворка ідзе пра стварэнне своеасаблівага магільніка.
Сярод адкрыцця сустрэчы – інфармацыя аб тым, што ЗАТ “Август-бел” нават ня мае аформленых дакумантаў на адвод зямлі пад будаўніцтва. Другім непрыемным сюрпрызам стала пазіцыя дырэктара ЦЭЦ-5, які з праціўніка пабудовы завода пераўтварыўся ў прыхільніка гэтае ідэі. Яшчэ адно адкрыцце: Як заявіла намеснім міністра аховы здароў’я,  нават пры жаданні людзей кантраляваць экалагічную сітуацыю на заводзе, яны ня маюць на гэта права. Таму любая грамадская камісія будзе фактычна незаконнай.
Вынік сустрэчы: ініцыятыўная група адкрыта заявіла пра пачатак працы па падрыхтоўцы мясцовага рэфэрэндума, а чыноўнікі пераканаліся, што людзі ў Свіслачы й Дружным ужо не паддаюцца на угаворы і “ціск аўтарытэтам”. Як заўважыўў адзін з гледачоў “Заместители министров увидели что завод тут можно построить если «заместить» местное население»
На сустрэчы дакладна прысутнічалі карэспандэнты: “Комсомольской правды”, Нашай Нівы, радыё рацыя, незалежнага спадарожнікавага канала Белсат, радыё Свабода, БТ, ОНТ, мясцовых газэт.