Свiслач

А.П. Кацэня: "Стаянкі на беразе Свіслачы ня будзе."

Пра гэта ўчора заявіў старшыня Свіслацкага выканкама сп. Кацэня. На беразе плануецца зрабіць месца адпачынку жыхароў.

Так, сярод іншага будуць устаноўлены некалькі “малых архітэктурных форм”, якія ў простым людзе называюцца альтанкамі (бяседкамі). Грунт, які звозіцца на бераг, будзе скарыстаны для выроўнівання паверхні і падрыхтоўкі стварэння сапраўднага газона на правым беразе ракі Свіслач.

У той жа час сп. Кацэня зазначыў, што праблема паркооўкі прыватнага аўтатранспарту вельмі востра стаіць у пасёлку. З аднаго боку усталяванне стаянак “пад вокнамі” адназначна незаконна і можа карацца штрафамі. “Аднак адміністрацыйнымі метадамі праблему ня вырашыць –людзям папросту няма куды ставіць свае машыны.” – зазанчыў старшыня – “Таму праводзіцца  падрыхтоўчая праца каб сапраўды зрабіць у Свіслачы 2 камерцыйныя стаянкі і такім чынам разгрузіць двары. Месца пакуль не вызначана. Аднак тое, што гэта будзе не на беразе ракі – дакладна.”