Свiслач

Свіслацкі пассавет на сёння ўключае ў сабе 2 пасёлка - паселак гарадзкога тыпу Свіслач і пасёлак Дружны.

Свіслач і Дружны - досыць маладыя населеныя пункты. Абодва зьявіліся на мапе ў звязку з будаўніцтвам новых для Беларусі прадпрыместваў.

Свіслач - у 60-х гадох ХХ стагоддзя як пасёлак работнікаў Завода Горнага Воска - на той час напаўсакрэтнага прадпрымества якое выпускала тэхнічныя парафіны для савецкага ВПК.

Пасёлак быў пабудаваны фактычна на голым месцы, сярод лесу. Сярод жыхароў - маладыя хімікі й будаўнікі з усіх куткоў СССР.

Больш падрабязную гісторыю Свіслачы за перыяд да 1983 г. можна будзе прачытаць у гэтым раздзеле не пазней за 01.07.2008 г.

У некалькі разоў насельніцтва пассавета вырасла ў 80-я гады калі пачалося будаўніцтва Мінскай Атамнай ЦЭЦ. Узнік пасёлак Дружны.

Мінская ЦЭЦ-5 была запраектавана як атамная станцыя, якая мела за мэту забяспячэнне электрычнай і цеплавой энэрніяй горада Мінск. Планавалася, што станцыя будзе складацца з двух энэргаблокаў ВВЭР-1000.
13 лютага 1981 года Савет Міністраў адводзіць зямлю для пабудовы Атамнай ЦЭЦ. Аднак, афіцыйным "днём нараджэння" станцыі можна лічыць 4 траўня 1982 года, калі Міністр Энэргетыкі СССР выдаў загад № 253 пра стварэнне дырэкцыі Мінскай АЦЭЦ. Дырэктарам быў прызначаны В.І. Шаманоўскі. Практычна адразу пачалося актыўнае будаўніцтва. Ў горадзе Мінску ў новабудоўлях робяцца 2 электрычныя сітэмы: 1 разлічаныя на тагачаснае забеспячэнне і яшчэ адна на патэнцыйную "запітку ад АЭС".
На будоўлю прыцягваецца блізу 3500 чалавек з усіх куткоў тагачаснага СССР. Адметнасьцю гэтае будоўлі стала тое, што першыя работы пачаліся не на пляцоўках станцыі, а на будаўніцтва жылых дамоў і аб'ектаў інфраструктуры. Пачалі будаваць тое, што зараз называецца пасёлкам Дружны. Паралельна ў Свіслачы зьяўляецца вуліца Будаўнікоў. Назва кажа сама за сабе - у новых дамох жылі тыя, хто працаваў на будоўлі АЦЭЦ.
Пры будаўніцтве асноўнай праблемай была глеба - пляцоўка фактычна знаходзілася на балоце. У выніку было прынятае рашэнне вывазу рэштак торфа і насыпу "земляной падушкі". Былі завезены мільёны тон грунтовых парод.
У выніку ў верасні 1985 года палова пасёлка фактычна была збудавана. Планавалася, што другая палова пачне ўзводзіцца бліжэй да тэрміну здачы станцыі. Пасёлак планаваўся ў форме "матыля". Другое "крыло" мелася быць на месцы цяперашяга скверу і парка атракцыёнаў.

Назву для пасёлка абіралі нетрадыцыйным у тыя часы метадам - быў абвешчаны конкурс сярод школьнікаў. І ў лютым указам прэзідыўма ВС БССР на мапе Беларусі быў зацверджаны пасёлак Дружны.
Да 1985 года на будаўнічай пляцоўцы АЦЭЦ быў скончаны практычна ўвесь падрыхтоўчы цыкла для ўстаноўкі рэактараў. Была ўведзена ў эксплуатацыю пускарэзервовая кацельная. На сёння на ёй усталяваныя 4 паравых катла і 1 вадагрэйны.
Аднак ужо ўлетку 1986 года ў звязку з аварыяй на ЧАЭС, будаўніцтва было прыпынена. З верасня 1986 года 1991 будаўніцтва станцыі закансэрвавана.
У гэты час у пасёлак Дружны і ў Свіслач 1200 чалавек з Прыпяці. Калектыў плянаванай Беларускай АЦЭЦ быў накіраваны на ліквідацыю наступстваў Чарнобыля.
У 1988 годзе (20.06) прыймаеца рашэнне пра узвядзенне на пляцоўцы АЭС ЦЭЦ-5 на арганічным паліве. Аднак рэальнае будаўніцтва было адноўлена толькі ў 90-х гадох. Першы энэргаблок з намінальнай магутнасцю 330 мегават быў запушчаны 4 жніўня 1999 года.