Свiслач

Добрага часу сутак. У межах развіцця нашага парталу мы распачынаем напаўненне новага раздзелу. А менавіта – відэа і фільмы.

Добрага часу сутак. У межах развіцця нашага парталу мы распачынаем напаўненне новага раздзелу. А менавіта –відэа і фільмы.

Што гэта такое і як працуе?
У раздзеле будуць змяшчацца:

1. Фільмы і ролікі якія распавядаюць пра "белыя плямы" айчынай гісторыі ці цяперашняга жыцця
2. Фільмы і ролікі, якія распавядаюць пра выбітных землякоў (у першую чаргу жыхароў Свіслачы, Дружнага і Пухавіцкага раёну)
3. Фільмы і ролікі пра Свіслач і Дружны

Пры публікацыі відэа - файлаў мы будзем імкнуцца прытрымлівацца наступных прынцыпаў:

1. Галоўны крытэр – якасць самога фільму (у разе з дакументальным кіно перавага надаецца фільмам, што атрымалі прызнанне на адмысловых кінафестывалях (што, дарэчы ёсць лішнім пацверджаннем даставернасці выкладзеных у іх фактаў)
2. Мы НЕ ставім палітычную рэкламу. Адпаведна, паглядзець на сайце фільм, які усхваляе (ці наадварот ганьбіць) тую ці іншую палітычную сілу будзе цяжка. Выключэнне – раскрыццё сутнасці ідэалогій, якія прывялі да смерці соцень тысяч (а то і мільёнаў) чалавек. У першую чаргу гэта камунізм і фашызм.
3. У разе пастаноўкі дакументальных фільмаў, якія закранаюць канфліктныя тэмы найноўшай гісторыі – будзем імкнуцца да аб'ектыўнасці. А менавіта ў адным пасце ставіць прынамсі 2 фільма – якія асвятляюць пазіцыю абодвух бакоў.

Таксама хочам звярнуць вашу увагу на тое, што на партале НЕ будзе фізічна размяшчацца відэафайл. Мы толькі шукаем ДЗЕ гэта размешчана і публікуем код плэера (каб можна было паглядзець на нашым сайце) і спасылкі адкуль можна скачаць арыгінальны файл.


З чаго пачынаем?

2010 год досыць цікавы год для Беларускай гісторыі. І не толькі ў звязку з Другой сусветнай вайной. Сёлета спаўняецца 90 год з часу пахода супраць чырвоных Асобнага атраду войскаў БНР на чале з генералам Станіславам Булак-Балаховічам. І споўнілася 70 год з дня смерці генерала. Ён быў забіты падчас аблавы гестапа на падпольшчыкаў у прадмесцях Варшавы 10 траўня 1940 году.

Адпаведна лічым вартым дэманстрацыю фільма, які магчыма дазволіць кожнаму вызначыць для сабе хто ж такі генерал Булак-Балаховіч.

Вось што напісана ў адной з анатацый да гэтага фільма:

"Герой, легенда, таленавіты вайскавод, нацыянальны герой, авантурыст, вайсковы злачынца, бандыт. Усё гэта пра яго. Пра чалавека, які прайшоў шлях ад шэрагоўца да генерал-лейтэнанта. Пра камандзіра - эмігранта, які не кінуў без падтрымкі сваіх салдатаў і даў ім і зямлю і працу.

Ягоную смерць прагнулі арганізаваць камуністы цягам 20 міжваенных гадоў. А загінуў ён у 1940-м годзе падчас аблавы гестапа на яўку падпольшчыкаў. Ён з кіем кінуўся на афіцэра СС і такім чынам адцягнуў увагу ад маладых падпольшчыкаў, якія паспелі сысці з-пад аблавы.

Яго ўважаюць за героя ў Эстоніі, Латвіі і Польшчы, пра яго складалі песні на Палессі. Я яго літаральна ненавідзяць расійскія гісторыкі ўсіх расфарбовак: ад "белых" да "чырвоных".

І ўсё гэта пра аднаго чалавека – Станіслава Булак Балаховіча

Гэты фільм, спадзяемся, дасі мажлівасць лепш даведацца пра жыццё і змаганне гэтай неардынарнай постаці ў нашай гісторыі."

У раздзеле да гэтага фільма раім звярнуць увагу на ілюстрацыю – гэта ліст ген. Булак Балаховіча з просьбай прыняць яго і ягоных вайскоўцаў на службу БНР. Ліст датаваны лістападам 1919 году…